3D printing

3D printing ta un forma di krea obhetonan sólido tres dimenshonal. 3d printing ta wordu hasí dor di forma e obheto lag pa lag. den mayoria di kaso e printernan ta hasi uso di plastik, esaki ta mas fasil pa usa i mas barata. Tin di e 3D printernan ku por usa otro materialnan tambe , manera entre otro metal i kéramika, pero nan ta kosta hopi sen. E printer 3D ta util,pasombra nan por traha e obheto hopi lihe i hopi detaya. Esaki kier men ku un ingeniero por test su deseño nobo i no mester warda pa otro hende traha un muestra. E 3D printer ta tambe hopi util pa piesanan di plastik, i pa traha huguete (koi hunga), figura i modelonan. Tin hopi hende ta print obhetonan 3D na kas. For di aña 2003, hopi mas printer a wordu bende , mientras e preis di printernan 3D a baha hopi.

E Historia.

  • 1974 Davis Jones a skibi tokante e idea pa hasi uso di 3D printing. esaki den e revista di www.newscientist.com 
  • 1984 Alain Le Méhauté i otronan a patenta stereolithography (e base pa 3D printer).
  •  1989 S. Scott Crump a inventa FDM (Feeding, Dosing and Mixing). Esaki ta e teknologia ku mayoria 3D printer ta usa awendia. 
  • 1992 E prome FDM mashin a wordu bendé pa e kompania di S. Scott Crump, "Stratasys".
  •  2008 Shapeways a bira e prome servisio ku a print 3D pa manda pa su klientenan.
  •  2017 E prome Kas di print 3D a wordu konstrui na Rusia.

Kon e ta funshona.

E prome paso pa bo print algu den 3D ta di traha esaki riba un computer.

Bo por hasi esaki ku un programa(software) pa hasi deseño ( CAD, Computer Aided Design) of un scanner. E deseñonan trahá ku CAD bo por wardanan (save) riba un computer pa usa despues.

Printing

Tin diferente manera ku e 3D printer por traha, i tambe tin diferente tipo di material ku e por usa.

E mas importante ora di skohe un printer ta e speed, kosto i kolo.

Uso

Na Kas

Hopi hende ta usa nan na kas pa print p.e. obhetonan pa dekorashon of huguete (koi hunga).

Saluburidat i den mundu Medisinal i Teknologia moderno

3D printing ta wordu usa den mundu medisinal pa traha obhetonan barata p.e. aparatonan pa skucha miho i djente falsu.

Na luna di mart 2014, un siruhano na Inglatera a hasi uso di partinan di print 3D pa a drecha kara di un motosiklista ku a haña un aksidente hopi serio.

2014 un super auto a ser krea na Suisa hasiendo uso di komponentenan di print 3D. Urbee tabata e prome body di auto ku a ser di print den 3D.

2015 Un jet di Forsa Aero Europeo a bula ku partinan di print 3D.

Koi Kome

Kuminda tambe por wordu di print 3D. Chukulati, mangel , buskuchi, pasta i pizza. NASA ta print su kumindanan pa e astronautanan, pa menos desperdisio i pa ta mas nutriktivo.

Na 2018, Giuseppe Scionti a print e prome komestibel paresido na karni.

Eksito!! Bo kier Sa Mas! www.all3dp.com